Zakir Həsənov kimdir? Zakir Həsənov haqqında ətraflı və düzgün məlumat istəyirsinizsə, məqaləmizlə tanış ola bilərsiniz.
General-Polkovnik Həsənov Zakir Əsgər oğlu Azərbaycan Respublikasının müdafiə naziri
Zakir Əsgər oğlu Həsənov 1959-cu il 6 iyun tarixində Astarada doğulub.
Zakir Həsənov təhsili
Cəmşid Naxçıvanksi adına İbtidai Hərbi Məktəbi 1976-cı ildə bitirib.
Bakı Ali Ümumqoşun Komandirləri Məktəbini 1980-ci ildə bitirərək həmin tarixdən 1985-ci ilə qədər Almaniyada Sovet Ordusu sıralarında xidmət göstərib.
1985-1993-cü illər ərzində isə Sibir Hərbi Dairsəində xidmət göstərib.
1 il, yəni 1986-1987-ci illər daxilində SSRİ Silahlı Qüvvələrinin Baş Qərargahının Akademik idarəetmə kurslarını yekunlaşdırıb.
Zakir Həsənov fəaliyyəti
1993-2003-cü illəri əhatə edən 10 il ərzində Milli Təhlükəsizlik Nazirliyinin Sərhəd Qoşunlarında xidmət göstərib. Prezidentin 2003-cü il 17 yanvar tarixli 1130 nömrəli sərəncamı əsasında Daxili İşlər nazirinin müavini – Daxili Qoşunların Komandanı vəzifəsinə təyin edilib. 2003-cü il 17 may tarixli 869 nömrəli fərmanla general-mayor, 6 may 2005-ci il tarixli 802 nömrəli sərəncam əsasında isə general-leytenant ali xüsusi rütbəsi təqdim edilib.
Zakir Həsənov medalları
Horadiz əməliyyatı başda olmaqla Qarabağ uğrunda gedən döyüş əməliyyatlarında iştirak edən general-polkovnik müxtəlif mükafat və medallara layiq görülüb.
15.12.1998-ci il – “Sərhəddə fərqlənməyə görə” medalı
16.08.2002-ci il – “Hərbi xidmətlərə görə” medalı
30.06.2004-cü il – “Azərbaycan Bayrağı” ordeni
11.03.2008-ci il – “Vətən uğrunda” medalı
22.10.2013-cü il – “General Polkovnik” hərbi rütbəsi
19.04.2016-cı il – “Azərbaycan Bayrağı” ordeni
05.06.2019-cu il – “Şöhrət” ordeni
09.12.2020-ci il – “Zəfər” ordeni
Mənbə: mod.gov.az
